حضرت علی رضی اللہ عنہ کے اقوالِ زریں | حکمت اور دانائی کا خزانہ
حضرت علی رضی اللہ عنہ کے اقوالِ زریں
- زیادہ ہوشیاری در اصل بد گمانی ہے ۔
- محبت دور کے لوگوں کو قریب ، عدادت قریب کے لوگوں دور کر دیتی ہے۔ ہاتھ جسم سے بہت قریب ہے لیکن گل سڑ جانے پر کاٹ دیا جاتا ہے اور پھر اس کو داغنا پڑتا ہے۔
- کوئی شخص گناہ کے سوا کسی چیز سے خوفزدہ نہ ہو۔
- صرف اللہ تعالٰے ہی سے امیدیں اور آرزو ئیں وابستہ رکھو۔
- کسی چیز کے سیکھنے میں شرم نہ کرو۔
- کامل فقیہہ وہ ہے جو لوگوں کو اللہ تعالیٰ کی رحمت سے مایوس نہ کرے۔
- انسان کا سب سے بڑا دشمن اس کا پیٹ ہے ۔
- پر ہیز گاری سے بڑھ کر کوئی عزت نہیں ۔
- اللہ تعالے سے ڈر تاکہ دوسروں کا خوف نہ رہے۔
- معاف کر دینا دشمن پر فتح حاصل کر لینا ہے۔
- سردار بننا ہے تو نیکی کر ۔
- تم بڑوں کی عزت کرد چھوٹے تمہاری عزت کریں گے۔
- عقل کامل ہو جائے تو گفتگو گھٹ جاتی ہے۔
- خاموشی عالم کے لیے زیور اور جاہل کے لیے پردہ ہے۔
- علم وہ خزانہ ہے جس کا ذخیرہ بڑھتا ہی ہے۔
- سب سے بڑی خیانت قوم سے غداری ہے ۔
- دین خزانہ ہے اور علم اس کا راستہ ۔
- عجلت کا نتیجہ ندامت ہے تحمل کا سلامت۔
- سچا سچائی کے اس مرتبہ تک پہنچ جاتا ہے جسے جھوٹا مکرو فریب سے نہیں پا سکتا ۔
- جو شخص اپنے اقوال میں حیاء ساتھ رکھتا ہے وہ اپنے افعال میں بھی اس سے دور نہیں ہوتا۔
- جو شخص حق تعالٰی کی مخالفت کرتا ہے حق تعالٰی خود اس کا مقابلہ کرتا ہے۔
- غصہ بھڑ کتی ہوئی آگ ہے جو پی گیا اس نے آگ بجھائی اور جو ضبط نہ کر سکا وہ پہلے خود اس میں جلتا ہے۔
- دنیا میں سب سے کم سچائی اور امانت ہے اور سب سے زیادہ جھوٹ اور خیانت ہے۔
- سچائی میں اگر چہ خوف ہے لیکن نجات بھی ہے ۔
- کارخانۂ قدرت میں فکر کرنا بھی عبادت ہے ۔
- جوشخص اپنی قدر آپ نہیں کرتا کوئی دوسرا شخص بھی اس کی قدر نہیں پہچانتا ۔
- فضول امیدوں پر بھروسہ کرنے سے بچ کہ یہ احمقوں کا سرمایہ ہے۔
- معافی نہایت اچھا احسان ہے اور احسان انسان کو غلام بنا لیتا ہے ۔
- سخاوت کے ساتھ احسان جتانا نہایت کمینگی ہے۔
- مال کی حفاظت کرنی پڑتی ہے اور علم تیری حفاظت کرتا ہے۔
- مظلوم کی بد دعا سے ڈر کیونکہ اس کی بد دعا شعلے کی طرح آسمان کی طرف جاتی ہے ۔
- موت ایک بے خبر ساتھی ہے ۔
- خندہ روئی سے پیش آنا سب سے پہلی نیکی ہے۔
- اگر دشمن پر قابو پا لو تو شکریئے کے طور پر اسے معاف کر دو۔
- سب سے بہتر وہ لقمہ ہے جسے اپنی محنت سے حاصل کیا جائے ۔
- عادت پر غالب آنا کمالِ فضیلت ہے ۔
- مصائب کا مقابلہ صبر سے اور نعمتوں کی حفاظت شکر سے کرو۔
- دوستی ایک خود پیدا کردہ رشتہ ہے ۔
- کسی کو حقیر نہیں سمجھنا چاہیئے ۔
- بُری عادت ایک زور آور دشمن ہے اور خواہش پرستی ہلاک کر دینے والا ساتھی ۔
- مصیبت میں گھبرانا کمال درجہ کی مصیبت ہے۔
- فاسق کی برائی بیان کرنا غیبت نہیں ۔
- عقل مند ہمیشہ غم و فکر میں مبتلا رہتا ہے۔
- گناہ پر ندامت گناہ مٹا دیتی ہے مگر نیکی میں غرور نیکی کو برباد کر دیتا ہے ۔
- کچھ کھانے کی خواہش باقی رہنے پر کھانا ترک کر دو۔
- علم مومن کا گم گشتہ مال ہے جہاں سے ملے لے لو۔
- زمانے کے پل پل کے اندر آفات پوشیدہ ہیں۔
- حکمت کا درخت دل میں اگتا ہے دماغ میں پلتا ہے اور زبان پر پھل لاتا ہے۔
- کمینے کا سب سے بڑا احسان یہ ہے کہ وہ دکھ نہ دے۔
- دوسروں کے حال پر غور کرنے سے نصیحت حاصل ہوتی ہے۔
- بوڑھے کی رائے جوان کی قوت اور زور سے اچھی ہے۔
- جو اپنی ضرورتیں بڑھا لیتا ہے اسے اکثر محرومی کا غم رہتا ہے۔
- کسی کے ایمان کا اندازہ اس کے وعدوں سے لگاؤ۔
- ذلت اٹھانے سے بہتر ہے کہ تکلیف اٹھاؤ۔
- جھگڑے میں کودنا انتہائی آسان ہے مگر اس سے نکلنا انتہائی مشکل۔
- عالم وہی ہے جس کا اپنے علم پر عمل ہے۔
- بے عقلی سب سے بڑی غریبی ہے ۔
