ایماں بچانا مشکل ہے - غلام ربانی قاصر کی اصلاحی نظم | Urdu Nazm
جڑ سے مٹانا مشکل ہے
اس دورِ فتن میں انساں کو ایماں بچانا مشکل ہے
توبہ جو گناہوں سے نہ کرے کچھ بات بتانا مشکل ہے
اس دورِ فتن میں انساں کو
ایماں بچانا مشکل ہے
توبہ جو گناہوں سے نہ کرے
کچھ بات بتانا مشکل ہے
گھر گھر میں سنیما کی کثرت
ٹی وی ہے مسلماں کی لعنت
ہر گھر میں چراغِ الا اللہ
اب جلنا جلانا مشکل ہے
ٹی وی کے تماشائی تم ہو
شیطان کے بھی بھائی تم ہو
کچھ وقت نمازوں میں اپنا
ہر روز لگانا مشکل ہے
ملت کے جواں فلمی گانے
سُن سُن کے اچھلتے رہتے ہیں
قرآن کی آیت سُن سُن کر
اب دل کا لگانا مشکل ہے
اسکول میں پانا انگریزی
تہذیب تو آساں ہے لیکن
بچوں کو مدارس میں دینی
تعلیم دلانا مشکل ہے
مسلک کی نزاکت پر اکثر
آپس میں مسلماں لڑتے ہیں
کلمہ کی حقیقت کو
واحد بنیاد بنانا مشکل ہے
خاتونِ مسلماں اب گھر سے
بے پردہ چلے بازاروں میں
برقع تو محض اک فیشن ہے
چہرے کا چھپانا مشکل ہے
ماں باپ کی خدمت سے بیٹے
محروم رہا کرتے ہیں یہاں
خدمت تو بہت ہی دور ہوئی
پانی بھی پلانا مشکل ہے
بھائی سے ہے نفرت بھائی کو
بہنوں سے بغاوت بہنوں کو
اس دور میں بھائی بہنوں کو
آپس میں ملانا مشکل ہے
عالم کو تعصبِ عالم سے
جاہل بھی کرے اس کا شکوہ
مفتی پہ ہے جاہل کا فتویٰ
یہ عیب چھپانا مشکل ہے
بیوی کو شکایت شوہر سے
شوہر کو شکایت بیوی سے
بچوں کو شریعت کی باتیں
ہر لمحہ سکھانا مشکل ہے
لُٹتے بھی رہے پِٹتے بھی رہے
مرتے بھی رہے مٹتے بھی رہے
پھر بھی دلِ مسلم میں اس کا
احساس دلانا مشکل ہے
سرکاری دفاتر میں مسلم افسر
بھی کرے رشوت خوری
تنخواہ کے پیسوں سے ان کا
ہر کام چلانا مشکل ہے
تم اپنی مرادوں کی خاطر
جھکتے ہو مزاروں پر لیکن
مسجد میں خدا کے آگے
کیوں سر اپنا جھکانا مشکل ہے
واعظ کا فقط اندازِ بیاں
کیا فائدہ سن کے لوگوں کو
اصلاحِ طلب دل جس کا نہیں
کچھ اس کو سنانا مشکل ہے
اس دورِ حکومت میں
ہر سو ہے ظلم و تشدد کی کثرت
مظلوم تو مٹتے جاتے ہیں
ظالم کا مٹانا مشکل ہے
بیٹے پہ تلک تم لیتے ہو
بیٹی کو تلک پر دیتے ہو
ماحول پہ ایسی لعنت کو
اب جڑ سے مٹانا مشکل ہے
مشرک سے کہو ذکرِ کافر
جس آیتِ قرآں سے ہے عیاں
اس آیتِ قرآنی کو بھی
قرآں سے ہٹانا مشکل ہے
بارات میں انگلش ڈانس بھی اب
کرتے ہیں جواں لونڈوں کی طرح
بے شرم جوانوں کو ایسی
عادت سے بچانا مشکل ہے
ملت کے جوانوں کے دل میں
محبوب ہے یہ دنیا داری
دنیا ہی میں رہ کر اے قاصرؔ
دین کا لانا مشکل ہے
(شاعر: جناب غلام ربانی قاصرؔ)
