ہند کے مسلم لڑکوں کے ہے سر پہ یہ الزام 

 نقد جہیزوں کے پیسوں پر ہوتے ہیں بدنام

گھوڑے گدھوں کی طرح لگے بازار میں انکا دام 

بتاؤ کیا ہوگا انجام بتاؤ کیا ہوگا انجام

نقد روپیوں کے بھی علاوہ مانگے کل سامان  اپنی جوانی کی قیمت کا کرتے ہیں اعلان

کتے گیدڑ سے بھی بدتر رکھدو ان کا نام 

 بتاؤ کیا ہوگا انجام بتاؤ کیا ہوگا انجام

کتنے غریبوں کی بیٹی کا ہوگیا اب یہ حال 

بے شادی کے بیت گئے گھر بیٹھ کے پچپن سال

مرجاتی ہے فکر میں کوئی زہر کاپی کے جام  بتاؤ کیا ہوگا انجام بتاؤ کیا ہوگا انجام

لاکھ روپے لیکے پھلاٹی کرتے ہیں دان رات  دوسو براتی باجا لیکر جاتے ہیں بارات

بم کے دھماکوں سے یہ مچائے دنیا میں کہرام 

 بتاؤ کیا ہوگا انجام بتاؤ کیا ہوگا انجام

اب تو کنواری لڑکی کی ہے اتنی بڑی بربادی  انکی غریبی دیکھ کے انکی ہوتی نہیں ہے شادی

آبرو عزت بازاروں میں کرتی ہے نیلام 

 بتاؤ کیا ہوگا انجام بتاؤ کیا ہوگا انجام

باروں مہینہ مانگ کرے ہے بیوی سے وہ خوب 

 تین طلاقوں کی دھمکی سے ورنہ کرے مرعوب

اتنے جہیزوں پر بھی بیٹی کر نہ سکے آرام  بتاؤ کیا ہوگا انجام بتاؤ کیا ہوگا انجام

بیٹی والے توڑ کے گر، داماد کو دے دیں تارا  پھر بھی بیوی کو یہ ستائے کمبختی کا مارا

لاٹھی ڈنڈا اور جوتوں سے پیٹے صبح وشام  بتاؤ کیا ہوگا انجام بتاؤ کیا ہوگا انجام

جو بھی جہیزوں کے پیسوں سے اپنا کرے دلشاد 

 ایسے بیہودوں کو نہ بنائے کوئی بھی داماد

رب کے بھروسے چھوڑدو اپنی بیٹی کا یہ کام بتاؤ کیا ہوگا انجام بتاؤ کیا ہوگا انجام

جن لڑکوں کو شرعی شادی سے ہو ذرا انکار  ان لڑکوں کو اس دنیا میں جینا ہے بیکار

ایسے گنواروں سے ہے قاصر خطرے میں اسلام 

بتاؤ کیا ہوگا انجام بتاؤ کیا ہوگا انجام

(جناب غلام ربانی قاصر)