یار رہے یا رب! تو میرا اور میں تیرا یار رہوں  مجھ کو فقط تجھ سے ہو محبت، خلق سے میں بیزار رہوں

ہر دم ذکر و فکر میں تیرے مست رہوں سرشار رہوں

 ہوش رہے نہ مجھ کو کسی کا، تیرا مگر ہوشیار رہوں

اب تو رہے بس تا دمِ آخر وردِ زباں

 اے میرے اللہ

لاَ اِلهَ اِلاَّ اللهُ، لاَ اِلهَ اِلاَّ اللهُ

تیرے سوا معبود حقیقی! کوئی نہیں ہے کوئی نہیں 

تیرے سوا مقصود حقیقی! کوئی نہیں ہے کوئی نہیں

تیرے سوا موجود حقیقی! کوئی نہیں ہے کوئی نہیں 

تیرے سوا مشہود حقیقی! کوئی نہیں ہے کوئی نہیں

اب تو رہے بس تا دمِ آخر وردِ زباں 

اے میرے اللہ

لاَ اِلهَ اِلاَّ اللهُ، لاَ اِلهَ اِلاَّ اللهُ

دونوں جہاں میں جو کچھ بھی ہے، سب ہے تیرے زیرِ نگیں 

 جن و انس و حور و ملائک، عرش و کرسی، چرخ و زمیں

کون و مکاں میں لائقِ سجدہ تیرے سوا اے نورِ مبیں 

 کوئی نہیں ہے کوئی نہیں ہے، کوئی نہیں ہے کوئی نہیں

اب تو رہے بس تا دمِ آخر وردِ زباں

 اے میرے اللہ

لاَ اِلهَ اِلاَّ اللهُ، لاَ اِلهَ اِلاَّ اللهُ

تیرا گدا بن کر میں کسی کا دستِ نگر اے شاہ نہ ہوں 

 بندہٴ مال و زر نہ بنوں، میں طالبِ عز و جاہ نہ ہوں

راہ پہ تیری پڑ کے قیامت تک میں کبھی گمراہ نہ ہوں 

چین نہ لوں میں جب تک راز وحدت

سے آ گلند نہ ہوں

اب تو رہے بس تا دمِ آخر وردِ زباں

 اے میرے اللہ

لاَ اِلهَ اِلاَّ اللهُ، لاَ اِلهَ اِلاَّ اللهُ

یاد میں تیری سب کو بھلا دوں، کوئی نہ مجھ کو یاد رہے 

 تجھ پر سب گھر بار لٹا دوں، خانہٴ دل آباد رہے

سب خوشیوں کو آگ لگا دوں، غم سے تیرے دل شاد رہے 

 سب کو نظر سے اپنی گرا دوں، تجھ سے فقط فریاد رہے

اب تو رہے بس تا دمِ آخر وردِ زباں

 اے میرے اللہ

لاَ اِلهَ اِلاَّ اللهُ، لاَ اِلهَ اِلاَّ اللهُ

(خواجہ عزیز الحسن مجذوب رحمتہ اللہ علیہ..... خلیفہ اجل حکیم الامت حضرت تھانوی رحمتہ اللہ)