حضرت ابن سیرین رحمہ اللہ علیہ نے فرمایا ہے کہ اگر کوئی شخص خواب میں دیکھے کہ ویران جگہ کو آباد کرتا ہے جیسے مسجد مدرسہ خانقاہ اور جو ان کے مشابہ ہے تو یہ دین اور عقل کی صلاح اور آخرت کے ثواب کی دلیل ہے ۔
· اور اگر دیکھے کہ ویران زمین کو خود آباد کرتا ہے۔ جیسے سرائے یا دکان وغیرہ بناتا ہے تو اس جہان کے فائدے اور خیر کی دلیل ہے۔
· اور اگر آباد جگہ کو ویران دیکھے تو دلیل ہے کہ اس جگہ بلا اور مصیبت پہنچے گی۔
حضرت جابر مغربی رحمتہ اللہ علیہ نے فرمایا ہے کہ اگر کوئی شخص خواب میں اپنے آپ کو آباد جگہ میں مقیم دیکھے تو دلیل ہے کہ آبادی کے انداز سے پر خیر اور نفع پائے گا۔
اور اگر اس کے خلاف دیکھا ہے تو شر اور فساد اور نقصان پائے گا۔
حضرت جعفر صادق رضی اللہ عنہ نے فرمایا ہے کہ آبادی کا دیکھنا چار وجہ پر ہے ۔
(۱)اس جہان کے کاموں کی صلاح پر (۲) خیر اور منفعت (۳) مراد و کامرانی (۴) بستہ کاموں کی کشائش۔
