حمد باری تعالی

 

کوئی مایوس کیوں ہو اپنی حاجت مانگ کر تجھ سے  *  مرادیں پاتے ہیں سب ساکنانِ بحرو بر تجھ سے

جسے جو کچھ مناسب تھا وہی تو نے اسے بخشا  *     کسی نے فقر پایا اور کسی نے مال وزر تجھ سے

کسی شے سے امید و بیم ہوتی ہے نہیں اس کو*    سمجھ میں جس کے آجائے کہ ہے نفع وضر تجھ سے

سمجھ میں کچھ نہیں آتا کہ تو کیسا ہے اور کیا ہے * جگر خوں کیوں نہ ہووے بے خبر ہیں باخبر تجھ سے

مرے اعمال کو مت دیکھ، دیکھ اپنی عنایت کو * یہی اک عرض ہے مولا ، مری شام وسحر تجھ سے

وہ دل مجھ کو عطا کر جس میں تو ہو اور نہ ہو کچھ بھی *  تر اسود ا ہو جس میں مانگتا ہوں میں وہ سر تجھ سے

اٹھائے پلکوں سے دست دعا آٹھوں پہر کیوں ہے *  تجھے معلوم ہے جو مانگتی ہے چشمِ تر تجھ سے

دو عالم میں سوا تیرے نہیں حاجت روا کوئی *   بتا پھر کس سے مانگوں میں نہ مانگوں میں اگر تجھ سے

رشید خستہ جاں کے حال پر اب مہربانی ہو

کہ وہ مدت سے رکھتا ہے امید یک نظر تجھ سے

(حوالہ: نعت النبیﷺ -۲۲۲ )